Өвлийн эхэн сарын шинийн нэгэн буюу эзэн Чингис хааны мэндэлсэн "Монгол бахархал"-ын өдөрт зориулсан үндэсний бөхийн барилдаан энэ сарын 19-нд болох гэж байна. Энэ барилдаанд чансаа өндөр 128 бөх зодоглох юм.

Иймдээ заалны барилдаанд ховорхон үзэгддэг залуу аварга, арслангуудын гал гарсан, сонирхолтой барилдааныг эндээс л харж болохоор байна. 

"Монгол бахархал"-ын өдрийн анхны барилдаанд аварга Ч.Санжаадамба түрүүлсэн бөгөөд дараагийнх нь барилдаанд залуу аварга түрүүгээ алдаагүй юм. 

Харин 2014 оны тус барилдаанд гарьд Ө.Бат-Орших, 2015 онд арслан П.Бүрэнтөгс, 2016 онд Р.Пүрэвдагва нар түрүүлж байв.