Өнөөдөр аргын тооллын 2017 оны есдүгээр сарын 15. Пүрэв гараг. Билгийн тооллын XVII жарны "Алтан унжлагат" хэмээгч Гал тахиа жилийн Намрын тэргүүн шар бич сарын шинийн 25. Сугар гараг. Өглөгт охин одтой, таван шар мэнгэтэй, хөхөгчин могой өдөр.
Барилдлага: Үл тохирох
Шүтэн барилдлага: Өтлөх үхэхүй
Суудал: Уул
Өдрийн наран 6 цаг 35 минутад мандан, 19 цаг 04 минутад жаргана. Тухайн өдөр үхэр, тахиа жилтнээ аливаа үйлийг хийхэд эерэг сайн ба гахай, хулгана жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй.
Эл өдөр хууль цааз гаргах, батлах, хэрэглэх, хулгай дээрмийг номхотгох, гэмтнийг шийтгэх, мал адгуус номхруулах, сүм дуганыг сэргээх, газар лусын зан үйл хийх, өр барагдуулах, гэр бүрэхэд сайн. Ургаа мод таслах, газрын ам нээх, гөлөг тэжээхэд муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод баруун хойш мөрөө гаргавал зохистой. Үс шинээр үргээлгэх буюу засуулахад тохиромжгүй хэмээжээ.
Үс шинээр үргээлгэх буюу засуулахад тохиромжгүй...
* * *ӨРНИЙН ЗУРХАЙ * * *
ХОНЬ (3/21-4/19)
Түрэмгийлэх аюул, азгүй тохиолдол, хулгайд юмаа алдаж магадгүй. Оройн цагаар гадуур явсны хэрэггүй. Ялангуяа шөнө үдэш гэрээсээ бүү гар. Санхүүгийн харилцаа холбоонд нарийн, тооцоотой байдал тус болно. Хайр дурлалд амжилт олно.
ҮХЭР (4/20-5/20)
Таны хүчин чармайлтын үр дүн гарна. Таатай сэтгэгдэл төрүүлж шинэ боломжууд, танилууд найз нөхөдтэй болно. Орлого нэр хүнд өснө. Нөлөө бүхий хүмүүсийн дунд биеэ бүү барь. Бүх зүйлд өөрийн үзэл бодолтой бай.
ХАМТАТГАХ (5/21-6/21)
Шинэ амьдрал эхлэх, хожим тодорхой ажил хэрэг болох төлөвлөгөө санаануудыг хэрэгжүүлж эхлэхэд таатай өдөр. Өнөөдөр та төлөвлөгөөгөө боловсруулж үйл ажиллагааныхаа стратегийг тодорхойлох хэрэгтэй. Таны санаанууд хувийн болон ажил хэргийн харьцаанд тань шинэ зүйлийг авчирна.
МЭЛХИЙ (6/22-7/22)
Өдрийн үдээс хойш хагаст түншлэлийн шинэ харьцаа тогтоох, анд нөхөд болоход од эрхэсын байрлал тааламжтай байх болно. Та шинэ үйлчлүүлэгчтэй болж, эсвэл нөлөө бүхий албаны хүмүүсийн сонирхолыг өөрийнхөө төсөлд хандуулж чадна. Ажлаа нарийн чанд төлөвлөж, түүнийгээ ягштал баримтлах юм бол зорьсондоо хүрэхэд ойртоно.
АРСЛАН (7/23-8/22)
Салалт, хэрүүл маргаан, томоохон таагүй явдал болж болзошгүй өдөр болно. Удаан хугацааны харьцаагаа яаран таслах шийдвэр бүү гарга. Удахгүй та ингэх ноцтой шалтгаан үгүй болохыг ойлгоно гэдгийг од эрхэс зөвлөж байна.
ОХИН (8/23-9/22)
Зөрчил хэрүүлтэй өдөр зөвхөн үдээс өмнө л тайван байж магадгүй. Эрүүл саруул ухаан гаргаж бүхнийг тоглоом наргиа болгож хувирга. Өнөөдөр амны хөндийн эрхтнүүдийн үрэвсэл болзошгүй. Шүд өвдөх магадлалтай. Таныг санааг зорилгодоо ашиглахыг хүсч буй хүнээс болгоомжил.
ЖИНЛҮҮР (9/23-10/22)
Амьдралын бараг бүхий л салбарт аз ивээнэ. Амжилт, сайн сайхан амьдрал зөвхөн танаас өөрөөс тань хамаарна. Биеэ авч явах байдалдаа дүгнэлт хий, дотны хүмүүс, хамт ажиллагсад, удирдлагатайгаа харьцах харьцаанд тань уян хатан, дипломат чанар дутагдаж байж болзошгүй юм.
ХИЛЭНЦ (10/23-11/21)
Нөхцөл байдал хүнд боловч найдваргүй болчхоогүй байна. Таагүй байдалд орохгүйн тулд аль болох ганцаар бай. Үе үе найз нөхөдтэйгөө уулзаж бай. Таны найз нөхдийн зөвлөгөө тусламж яг одоо хэрэгтэй байна. Амьдралдаа хэт хурдан байдлаар хандах хэрэггүй.
НУМ (11/22-12/21)
Ажлынхантайгаа болон удирдлагатайгаа харьцахад төр олон нийтийн байгууллагад хандахад тохиромжтой. Та өнөөдөр асуудлаа бүрэн шийдвэрлэж албан тушаалын шат ахиж ч магадгүй. Санхүүгийн байдал сайжрах юм уу хүлээж авбал зохих ашигтай санал ирнэ.
МАТАР (12/22-1/19)
Томилолтоор эсвэл ямар нэг мэдээ хүлээн авна. Ихэнх хүмүүс үүссэн нөхцөл байдалд түшиг тулгуур олоход хүндхэн байна. Та маш олон урьд байгаагүй боломжуудтай тулгарна. Хувь заяандаа бүх чадлаараа тусла. Тэгвэл та хүсэж мөрөөдсөн бүхнээ зайлшгүй хүлээн авна гэдгийг од эрхэс зөвлөж байна.
ХУМХ (1/20-2/18)
Таны амьдралд ахиц гарна. Ажил хэргийн харьцаа сайн байна. Өнөөдөр санхүүгийн томоохон орлого орж ирэхгүй тул зарлага бага гаргаарай. Бизнесээ өргөжүүлэхэд бүх зүйл тэгш сайхан байна гэж арай л хэлж болохгүй. Сэтгэлийн хөөрөлд автаж болохгүй. Мөнгөтэй болох боломж байна. Өөртөө илүү итгэ. Амжилт дотроос тань төрнө.
ЗАГАС (2/19-3/20)
Оюутнууд ирээдүйн мэргэжлийн дагуу сургалтанд орно. Энэ нь тэдэнд мэдлэгээ шалгах сайхан боломж болно. Ямар ажил сонгох талаар таны туршлага дутаж болох юм. Гэвч танд дипломоо гардан авсны дараа юу хийхээ шалгах сайхан боломж олдоно. Ямар ч ажил хийсэн энэ нь танд амьдралын сайн сургууль болно.
0
0
0
0
0
0
