Өнөөдөр намрын тэргүүн сарын шинийн 8-ны билэгт сайн өдөр. Аргын тооллын 2017 оны наймдугаар сарын 29-ний өдөр, мягмар гараг.

Монголчууд эрт дээр үеэсээ билгийн тооллын 8, 15, 25, 30-ны дүйчин өдрүүдэд бие, хэл, сэтгэлээрээ онцгойлон буян номын үйлэнд шамдаж, нүгэл хилэнцийг тэвчиж, махан хоолыг хорьж, цагаан хоол иддэг уламжлалтай билээ.

Учир нь дүйчин гэдэг нь “Их цаг” гэсэн утгатай бөгөөд энэхүү их цаг тохиох үед алив үйлдсэн буян бум түмээр арвижин дэлгэрч, үрд нь амгалан жаргалан гардаг, харин эсрэгээрээ алив үйлдсэн нүгэл мөн ихээр арвижиж үрд нь зовлон зүдгүүр гардаг уг шалтгаантай хэмээн үздэг ажээ.