Уншигч танд Хүний эрхийн Үндэсний Комисс, “Гүүд Нэйборс Монгол Төлөөлөгчийн Газар”-ын хамтран нийсэн нэгэн судалгаанаас танилцуулж байна. Тэдний хийсэн судалгаанд Улаанбаатар хотын 7 дүүрэг, хөдөө орон нутгийн 8 аймгийн 12-18 насны нийт 4,264 хүүхэд, 2,743 эцэг эх/асран хамгаалагч, 152 хүүхэд хамгааллын хамтарсан багийн гишүүд нийт 7,159 хамрагдсан байна. Судалгааны үр дүн:

 

1. Хүүхдүүд өөрсдийн эрхийн тухай хангалтгүй мэдлэг

• Нийт хүүхдүүд хүүхдийн эрхийн тухай мэдлэг бага

• Хүүхдийн эрх гэдгээр амьд явах, эсэн мэнд амьдрах, сурах, хоол унд, орон байраар хангагдах зэрэг ерөнхий эрхээр хязгаарлан ойлгодог

 

2. Хүүхдийн эсрэг хүчирхийллийн нөхцөл байдал ямар байна вэ?

Судалгаанд хамрагдсан:

• 10 хүүхэд тутмын 8 нь ямар нэг хэлбэрийн хүчирхийлэлд

• 2 хүүхэд тутмын 1 нь бие махбодын хүчирхийлэлд

• 3 хүүхэд тутмын 1 нь үл хайхрах хүчирхийлэлд

• 4 хүүхэд тутмын 3 нь сэтгэлийн хүчирхийлэлд

• 8 хүүхэд тутмын 1 нь сексийн шинжтэй дарамт, шахалт, халдлагад өртөж байсан гэж хариулсан ноцтой хариу өгсөн байна.

  3. Хүүхдийн эрх хаана зөрчигдөж байна вэ?

Хүүхэд хамгааллын хамтарсан багийн гишүүдийн харж байгаагаар:

•  гэр бүлийн орчинд (84.7%), сургуулийн орчинд (50.7%), гудамж, нийтийн эзэмшлийн орчинд (44.7%) хүүхдийн эрх хамгийн их зөрчигддөг

Хүүхдүүдийн хувьд:

•  гэр бүлийн орчинд 15.6%, сургуулийн орчинд (36.2%), гудамж талбайд (53.8%) хүүхдийн эрх хамгийн их зөрчигддөг гэж хариулжээ

  4. Хүүхдүүд айдастай байна.

• 2 хүүхэд тутмын 1 нь амьдарч буй орчноо аюулгүй гэж боддоггүй

• тэдний 38.3% нь сургуулийн орчинд (багш, сургуулийн атаман, сургуулийн нийгмийн ажилтан, дотуур байрны багш)

• 45.3% нь гэр бүлийн орчинд (өөрийн төрсөн болон хойд эцэг эхээс, ах эгч, хамаатан садан) 16.4% нь бусдаас (гудамж талбайд, үзвэр үйлчилгээний газарт, цахим орчинд, танихгүй хүнээс) хамгийн их айдаг гэжээ.

 

5.Хүүхдийн эрхийн зөрчлийг илрүүлэлт хангалтгүй байна.

Судалгаанд хамрагдсан 2 оролцогч тутмын 1 нь хүүхдийн эрхийн зөрчил, хүчирхийллийг мэдээлэхгүй байгаа гол шалтгаан бол хаана, хэнд, хэрхэн хандахаа мэддэггүйтэй холбоотой гэж тус тус хариулсан байна.