УИХ-ын гишүүд М.Энхболдыг огцрохыг шаардаж суулт зарлажээ


6 өдөр

УИХ-ын чуулганы нэгдсэн хуралдаан гишүүдийн ирц бүрдээгүй шалтгаанаар товлосон цагаасаа хоцорч эхэллээ.

 

Учир нь УИХ-ын зарим гишүүд Их хурлын дарга М.Энхболдыг огцрохыг шаардан чуулганы танхимын үүдэнд суулт зарласан байна. Тодруулбал, УИХ-ын гишүүн Л.Оюун-Эрдэнэ, Т.Аюурсайхан, Ж.Батзандан, Л.Болд нар "УИХ-ын дарга М.Энхболд огцор, М.Энхболд УИХ-ыг даргалах ёс зүйн эрхгүй" гэсэн бичиг барьж суужээ. 

Тэднээс гадна Засгийн газрын гишүүд ч мөн адил чуулганы танхимд оролгүй УИХ-ын даргаар нэлээд хэдэн удаа дуудуулсан юм. Ийнхүү 10:00 цагт эхлэх ёстой чуулганы хуралдаанд гишүүдийн ирц бүрдэхгүй байсаар 10:40 цагт эхэллээ. 

Одоо Үндсэн хуулийн цэцийн 2018 оны 15 дугаар дүгнэлтийг хэлэлцэж байна. 

Анхааруулга: Уншигчдын бичсэн сэтгэгдэлд Bestnews.mn хариуцлага хүлээхгүй болно. Зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах хэрэгтэй.
Та мэдээнд саналаа өгсөн байна
1000 Сэтгэгдэлээ бичнэ үү