Үндсэн хуулийн цэц хуралдаж байна. УИХ-ын тогтоолоор, төрийн албан хаагчдын цалин хөлсийг 2017-2018 онд хэвээр хадгалах буюу царцаах, албан тушаалын зэрэглэл, цалингийн шатлал ахиулахыг 2017-2019 онд түр зогсоож, энэ талаар шийдвэр гаргахгүй байхыг бүх шатны төсвийн захирагч нарт даалгажээ. Иргэн Н.Ариунболд энэ нь Үндсэн хууль зөрчиж байна гэж үзэн мэдээлэл гаргасныг цэц хэлэлцэж байгаа юм.
Үндсэн хуулийн цэцийн хурал 9:30 цагаас эхэлсэн бөгөөд хуралдаанд мэдээлэл гаргасан иргэн Н.Ариунболд, УИХ-ын итгэмжлэгдсэн төлөөлөгчөөр Н.Амарзаяа гишүүн оролцож байна. Иргэн Н.Ариунболдын мэдээллийг Үндсэн хуулийн цэцийн гишүүн Д.Наранчимэг урьдчилан шалгаж маргаан үүсгэжээ.