Сүхбаатар дүүргийн залуус сагсан бөмбөгөөр өрсөлдлөө


7 жил

Сүхбаатар дүүргийн Иргэдийн Төлөөлөгчдийн Хурал, дүүргийн Залуучуудын холбоотой хамтран 1-20 дугаар хорооны 16-40 насныхны дунд эрэгтэй,  эмэгтэй холимог сагсан бөмбөгийн тэмцээн зохион байгууллаа.

Тэмцээн дүүргийн 45, Өсвөрийн зохион бүтээгчдийн лаборатори ахлах сургууль дээр явагдсан ба нээлтэд дүүргийн Иргэдийн Төлөөлөгчдийн Хурлын дарга Э.Ганбат, дүүргийн Залуучуудын холбооны тэргүүн Г.Бат-Отгон нар оролцжээ.

Тус сагсан бөмбөгийн тэмцээнд 1-20 дугаар хорооны баг, Сүхбаатар дүүргийн Иргэдийн Төлөөлөгчдийн Хурлын баг /ИТХ-ын төлөөлөгч Т.Мөнхбаяр, Р.Энх-Амгалан, Ц.Бат-Эрдэнэ, ИТХ-ын тэргүүлэгчдийн нарийн бичгийн дарга Д.Азжаргал, ИТХ-ын Ажлын алба/, Монголын Залуучуудын холбооны багийн нийт 200 орчим тамирчид хурд хүч авхаалж самбаагаа сорин өрсөлдсөнөөс:
1 дүгээр байрт 17 дугаар хороо
2 дугаар байрт 12 дугаар хороо
3 дугаар байрт 6 дугаар хорооны баг тамирчид шалгарч медаль, өргөмжлөл, мөнгөн шагналаар шагнагдав.

Мөн тэмцээнд оролцсон тамирчдаас шилдэг эрэгтэй, эмэгтэй тамирчид шалгаруулсан байна. Эрэгтэйчүүдээс дүүргийн сурагчдын салбар зөвлөлийн багийн тоглогч Б.Баярбат, эмэгтэйчүүдээс 19 дүгээр хорооны багийн тоглогч Х.Нармандах нар шалгарчээ.

Тэмцээний шагналыг дүүргийн 13 дугаар хорооноос сонгогдсон Иргэдийн Төлөөлөгчдийн Хурлын төлөөлөгч, Засаг даргын зөвлөх П.Мөнхбаяр ивээн тэтгэжээ.

Анхааруулга: Уншигчдын бичсэн сэтгэгдэлд Bestnews.mn хариуцлага хүлээхгүй болно. Зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах хэрэгтэй.
Та мэдээнд саналаа өгсөн байна
1000 Сэтгэгдэлээ бичнэ үү