Засгийн газрын ээлжит хуралдаанаар сургууль, цэцэрлэгүүдэд тогтоосон хөл хорионы хугацааг 28 хоногоор буюу гуравдугаар сарын 30-ныг хүртэл сунгасан. Энэ хугацаанд МУИС, ШУТИС тэргүүтэй их сургуулиуд хичээлээ цахим хэлбэрээр, зайн сургалтаар явуулж байгаа.
Харин үргэлж интернэтэд холбогдох боломжгүй болон хөдөө орон нутагт суугаа оюутнууд уг зайн сургалтад хамрагдалгүй үлдэх, ирцээ бүртгүүлж чадахгүй байх зэрэг хүндрэлүүдтэй учирч буй талаар оюутнууд байр сууриа илэрхийлэх болсон. Тэгвэл МУИС-ийн удирдлагаас Мобиком, Юнител тэргүүтэн үүрэн телефоны компаниудад датагаа үнэгүй болгох уриалгыг гаргажээ.