МАН-ын бүлгээс Монголбанкны Ерөнхийлөгчийг чөлөөлөх асуудлаар завсарлага авлаа


1 долоо хоног

УИХ-ын чуулганы нэгдсэн хуралдаанаар МАН-ын бүлгийн дарга Д.Тогтохсүрэн Монголбанкны Ерөнхийлөгч Н.Баяртсайхан, Санхүүгийн зохицуулах хорооны дарга С.Даваасүрэн нарыг чөлөөлөх асуудлыг хэлэлцэхэд ажлын тав хоногийн завсарлага авах горимын санал гаргалаа. 

Энэ дагуу дээрх албан тушаалтнуудыг чөлөөлөх асуудлыг бүлгээр хэлэлцэх боломж олгон ажлын тав хоногийн завсарлага олгосон юм. 

Монгол Улс саарал жагсаалтад орсон асуудалд хариуцлага тооцохоор Монголбанкны Ерөнхийлөгч Н.Баяртсайханыг чөлөөлөх саналыг гаргасан бол СЗХ-ны дарга С.Даваасүрэн өөрийн хүсэлтээр ажлаас чөлөөлөгдөх өргөдлөө өгөөд байгаа билээ. 

УИХ дахь Эдийн засгийн байнгын хороо энэ долоо хоногийн хуралдаанаараа уг асуудлыг хэлэлцээд олонхийн саналаар дэмжээд байгаа юм. 

Анхааруулга: Уншигчдын бичсэн сэтгэгдэлд Bestnews.mn хариуцлага хүлээхгүй болно. Зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах хэрэгтэй.
Та мэдээнд саналаа өгсөн байна
1000 Сэтгэгдэлээ бичнэ үү