МАН-ын бүлэг итгэлийн зээлийн асуудлаар шийдвэр гаргана


5 жил

УИХ дахь МАН-ын бүлэг өнөөдөр /2019.05.13/ хуралдана. Тус бүлгийн хуралдаанаар ганц асуудал хэлэлцэх бөгөөд Итгэлийн зээлийн асуудлаар улс төрийн шийдвэр гаргах юм байна.

Итгэлийн зээл гэдэг нь жижиг, дунд үйлдвэрлэл эрхлэгчдэд барьцаагүй зээл, бага хүүтэй зээл олгох юм байна. Энэ талаар МАН-ын гишүүд өмнө нь хэлж байсан ч одоогоор итгэлийн зээлийн асуудлаар ямар нэг шийдвэр гараагүй байгаа юм.

ЖДҮ эрхлэгчид үйлдвэрлэлээ өргөжүүлэх, ажлын байр нэмэгдүүлэхийн тулд бага хүүтэй, барьцаагүй зээл авах шаардлага гардаг. Гэвч төрөөс олгож байгаа зээлүүд барьцаатай байдгаас олон иргэд зээл авч чаддагүй. Тиймээс итгэлийн зээлийг бий болгох асуудлаар эрх баригч нам улс төрийн шийдвэр гаргах юм байна.

Мөн өнөөдөр УИХ дахь Ардчилсан намын зөвлөл хуралдаж, энэ долоо хоногт УИХ-аар хэлэлцэх асуудлаар байр сууриа нэгтгэх юм.

Анхааруулга: Уншигчдын бичсэн сэтгэгдэлд Bestnews.mn хариуцлага хүлээхгүй болно. Зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах хэрэгтэй.
Та мэдээнд саналаа өгсөн байна
1000 Сэтгэгдэлээ бичнэ үү