НИТХ-ын ээлжит XXIV хуралдаан өнөөдөр болж буй бөгөөд хуралдааны үеэр АН-ын бүлэг “Туулын бургасыг нөхөн сэргээе” уриалга гаргажээ.

Төлөөлөгчид хуралдаан эхлэхээс өмнө төлөөлөгч бүрийн ширээн дээр “Туулын бургасыг нөхөн сэргээе” гэсэн бичиг бүхий модлог ургамал тавьжээ.

Гэвч МАН-ын бүлгийн төлөөлөгч нар цэцэг байрлуулах боломжгүй хэмээн буцаан хураасан байна. НИТХ дахь АН-ын төлөөлөгч Т.Батцогт энэ талаар “MAH-ын Tөлөөлөгчид уриалгыг хүлээж авахгүйгээ илэрхийлэн, бутлаг ургамлыг ажлын албаны ажилтнуудаар хураалгалаа” хэмээн мэдээлжээ.

Ингээд уриалга бүхий цэцгүүдээ зөвхөн АН-ын төлөөлөгчид ширээн дээрээ байрлуулаад байгаа аж.