2019.04.20-21-ний амралтын өдрүүдэд Тээврийн цагдаагийн албанаас замын хөдөлгөөний аюулгүй байдлыг хангах чиглэлээр нийт 228 уулзвар, гарц, автозамыг 557 алба хаагч хяналтандаа авч замын хөдөлгөөн зохицуулж, хяналт шалгалт хийж ажиллажээ.
Өчигдөр зам тээврийн осол, хэргийн улмаас 1 хүний амь нас хохирчээ. Тодруулбал, 2019.04.21-ний өдөр БЗД-ийн нутаг Улиастай замд нэгэн айлын хашаан дотор амины H.Sonata5 маркийн автомашины жолооч нь хашаан дотроо тоглож байсан 1 нас 7 сартай эрэгтэй М гэх хүүхдийг мөргөж амь насыг нь хохироожээ. Одоогоор Тээврийн цагдаагийн албанаас хэргийг шалгаж байна.