Монгол Улсын Ерөнхийлөгч Х.Баттулга өөрийн бүрэн эрхийнхээ хүрээнд намрын чуулганы нэгдсэн хуралдааныг сунган хуралдуулах саналыг УИХ-д хүргүүлээд байгаа юм. Үүнтэй холбогдуулан УИХ-ын дэд дарга Л.Энх-Амгалангаас байр суурийг нь сонирхлоо.

 Тэрбээр "Ерөнхийлөгч саналаа хүргүүлсэн. Гэхдээ УИХ өөрийн гэсэн хуультай. Өөрөөр хэлбэл, УИХ-ын чуулганы хуралдааныг сунгах, ээлжит бус чуулганы нэгдсэн хуралдааныг зарлах эрх нь зөвхөн УИХ-ын даргад хадгалагддаг. Гэхдээ өнгөрсөн хугацаанд дандаа УИХ-ын дэргэдэх Даргын зөвлөлийн хурлаар шийдэж ирсэн байдаг" гэлээ.