Өнгөрсөн ням гарагт Баян-Өлгий, Говь-Алтай, Ховд, Увс аймагт хүчтэй цасан болон шороон шуурганы улмаас 168 өрх орон гэргүй болжээ.
Дээрх иргэд одоогоор түр байр, сургуулийн дотуур байр, хамаатан, ах дүүгийндээ амьдарч байгаа бөгөөд эдгээр өрхөд улсын нөөцөөс гэр олгох шийдвэрийг Засгийн газрын өнөөдрийн хуралдаанаар гаргажээ.
Мөн “Баруун бүсийн эрчим хүчний систем” компанийн 110 кВ, 220 кВ-ын цахилгаан дамжуулах агаарын шугамд гарсан гэмтлийг засах, аваарын нөөц бүрдүүлэх зэрэгт шаардагдах нийт нэг тэрбум 427 сая гаруй төгрөгийг Засгийн газрын нөөц сангаас гаргахаар болсон байна.