Нийслэлийн Засаг дарга буюу Улаанбаатар хотын захирагчийн дэвшүүлсэн "Нэг хот-Нэг стандарт" зорилтын хүрээнд Баянзүрх дүүргийн дөрөвдүгээр хороонд байрлах 1.8 га газрыг хот мэдэлдээ авчээ. Энэ талбайг орчин үеийн архитектур төлөвлөлтийн дагуу иргэд амарч зугаалах ая тухтай бүрдүүлсэн цэцэрлэгт хүрээлэн, спорт талбай болгон 2019 оны гуравдугаар улиралд багтаан иж бүрэн тохижуулж ашиглалтад оруулахаар төлөвлөж байгаа юм байна.