1995 оны 4 сарын 21, 22-ны өдрүүдэд Улсын Дуурь Бүжгийн Эрдмийн Театрт анх тавигдаж байсан "Инээмтгий хүн" театрчилсан тоглолтоо МУГЖ Б.Сарантуяа болон “Saraa's Music Production” 23 жилийн дараа дахин сэргээж, төрсөн өдрөө үзэгчдийнхээ хамт тэмдэглэхээр болжээ.

Тэрээр оны өмнө найз Эмүжинээр бичүүлсэн "Зууны дуу хоолой. Би Сараа" номоо хэвлүүлсэн бөгөөд Улаанбаатар хотод хараахан номын нээлтээ хийгээгүй байгаа. Тэгвэл 4-р сарын 20-ны 19:00 цагаас Corporate Convention Centre-т болох уг тоглолтод номын баяр, төрсөн өдрийн тоглолтыг нэгтгэн тэмдэглэх гэж байна.